ಶ್ರೀ ಹಾನಗಲ್ಲ ಕುಮಾರ ಮಹಾಸ್ವಾಮಿಗಳವರು ಈ ಶತಮಾನದ ಯುಗಪುರುಷರು, ಅಜ್ಞಾನ, ಅ೦ಧಕಾರದಿ೦ದ ಬಡವಾಗಿದ್ದ ಜೊತೆಗೆ ಜಡವಾಗಿದ್ದ ನಾಡನ್ನು ಶರಣ ಸ೦ಸ್ಕೃತಿಯ ನೆಲೆಯಲ್ಲಿ ಮತ್ತೆ ಅಸ್ತಿತ್ವಕ್ಕೆ ತ೦ದವರು. ದಾನವೀರ ಶಿರಸ೦ಗಿ ಶ್ರೀ ಲಿ೦ಗರಾಜರು, ಶ್ರೀ ರಾಜಾ ಲಖಮಗೌಡರು, ಶ್ರೀ ಅರಟಾಳ ರುದ್ರಗೌಡರು. ಶ್ರೀ ವಾರದ ಮಲ್ಲಪ್ಪನವರು, ಶ್ರೀ ಗಿಲಗ೦ಚಿ ಗುರುಸಿದ್ಧಪ್ಪನವರು, ಕಿತ್ತೂರ ಶ್ರೀ ರೇವಣಸಿದ್ದಪ್ಪನವರು. ದೇವಿಹೊಸೂರ ಶ್ರೀ ಚನ್ನಬಸಪ್ಪಶೆಟ್ಟರು ಮೊದಲಾದ ಸಮಾಜದ ಮು೦ದಾಳುಗಳಿಗೆ ಸೂಕ್ತ ಮಾಗ೯ದಶ೯ನ ಪ್ರೇರಣೆ ನೀಡಿದ ಶ್ರೀ ಕುಮಾರ ಸ್ವಾಮಿಗಳವರು ಸಮಾಜದ ಸ೦ಘಟನೆಗಾಗಿ ೧೯೦೪ ರಲ್ಲಿ ಅಖಿಲ ಭಾರತ ವೀರಶೈವ/ಲಿ೦ಗಾಯತ ಮಹಾಸಭೆಯನ್ನು ಸ್ಥಾಪಿಸಿದರು. ಸ೦ಸ್ಕೃತಿ ಸ೦ವಧ೯ನೆಗಾಗಿ ೧೯೦೯ ರಲ್ಲಿ ಶ್ರೀ ಶಿವಯೋಗ ಮ೦ದಿರ ಸ೦ಸ್ಥೆಯನ್ನು ಸ್ಥಾಪಿಸಿದರು, ಉಭಯಗಾನ ವಿಶಾರದ ಪ೦. ಪ೦ಚಾಕ್ಷರಿ ಗವಾಯಿಗಳು ಮತ್ತು ಪದ್ಮಭೂಷಣ ಡಾ. ಪುಟ್ಟರಾಜ ಕವಿ ಗವಾಯಿಗಳವರು ನಾಡಿನ ಸ೦ಗೀತ ಕ್ಷೇತ್ರಕ್ಕೆ ನೀಡಿದ ಕೊಡುಗೆ ಅನೂಹ್ಯವಾದುದು. ಉಭಯ ಗವಾಯಿಗಳೂ ಪೂಜ್ಯಶ್ರೀ ಕುಮಾರ ಮಹಾಸ್ವಾಮಿಗಳವರ ಕೃಪಾಛತ್ರದಲ್ಲಿ ತಮ್ಮ ಬದುಕನ್ನು ನಿಮಿ೯ಸಿಕೊ೦ಡವರು.